झापा । नेकपा एमालेका अध्यक्ष केपी शर्मा ओलीले बिहीबार झापाको क्षेत्र नं ५ को निर्वाचन अधिकृतको कार्यालयबाट निर्वाचित भएको प्रमाण पत्र लिनुभएको छ ।
प्रतिनिधि सभा सदस्यमा निर्वाचित भएको प्रमाणपत्र लिन र विजय उत्सवमा सहभागी हुन एमाले अध्यक्ष ओली बिहीबार झापा आइपुग्नु भएको हो ।
दिउसो १ बजे दमक नगरपालिकास्थित झापा क्षेत्र-५ को निर्वाचन अधिकृतको कार्यालयमा उहाँले विजयी भएको प्रमाण पत्र ग्रहण गर्नुभएको छ ।
प्रमाणपत्र लिएपछि बोल्दै ओलीले आफ्नो पक्षमा परिणाम ल्यान मेहेनत गर्ने सबैलाई धन्यवाद दिनुभयो ।
चुनाव परिणामले राजनीतिमा युवाको आकर्षण देखाएको उहाँले बताउनुभयो ।
एमाले अध्यक्ष ओली दमक नगरपालिका क्षेत्रमा आयोजना भएको विजय जुलुसमा सहभागी हुनुभएको थियो ।
शुक्रबार कमल, गौरादह र गौरीगञ्जमा आयोजना हुने कार्यक्रममा उहाँको सहभागिता रहने पार्टीका पोलिटब्युरो सदस्य देवेन्द्र दाहालले जानकारी दिनुभयो ।
