चितवन । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आफू लामो समयदेखि प्रधानमन्त्री बन्ने रेसमा नभएको बताउनुभएको छ ।
प्रेस सेन्टर नेपाल चितवन जिल्ला समितिद्वारा आयोजित शुभकामना आदानप्रदान कार्यक्रममा बोल्दै प्रचण्डले आफूलाई विकास र समृद्धिमा समर्पित गर्ने बताउनुभयो ।
मंसिर ४ गतेको चुनावपछि आफूलाई फेरि प्रधानमन्त्रीको रेसमा जान दलका नेताहरुले आग्रह गरेको उहाँले बताउनुभयो ।
प्रधानमन्त्रीको रेसमा नभइ लोकतन्त्र, संविधान र राष्ट्रको रक्षा आफ्नो पहिलो प्राथमिकता भएको उहाँले बताउनुभयो ।
राजनीतिक स्थिरता, लोकतन्त्रको सुदृढ आर्थिक विकास र समृद्धिमा आफूलाई समर्पित गर्ने प्रचण्डले बताउनुभयो ।
