थप दुई सय ७१ जनामा कोरोना संक्रमण पुष्टि, एक जनाको मृत्यु

काठमाडौँ ।   नेपालमा थप दुई सय ७१ जनामा कोरोना संक्रमण पुष्टि भएको छ ।

देशभर गरिएको दुई हजार चार सय ८५ पिसिआर परिक्षणका क्रममा दुई सय २४ जना र एक हजार चार सय ३५ एन्टीजेन परिक्षणका क्रममा ४७ जनामा कोरोना संंक्रमण पुष्टि भएको हो ।

कोरोनाका कारण थप एक जनाको मृत्यु भएको छ भने थप एक सय ७५ जना निको भएका छन् । हाल नेपालमा तीन हजार एक सय ९४ सक्रिय संक्रमित आइशोेलेशनमा रहेको मन्त्रालयले जनाएको छ ।