काठमाडौँ । प्रतिनिधिसभाबाट ‘कारागार व्यवस्थापन विधेयक, २०७६’ पारित भएको छ ।
आइतबार बसेको प्रतिनिधिसभा बैठकमा राज्यव्यवस्था तथा सुशासन समितिबाट प्राप्त प्रतिवेदनसहित आएको उक्त विधेयक पारित गरियोस् भनी गृहमन्त्री बालकृष्ण खाणले सदनमा प्रस्ताव प्रस्तुत गर्नुभएको थियो । सभामुख अग्निप्रसाद सापकोटाले प्रतिनिधिसभाको दोस्रो बैठकमा ध्वनिमतका आधारमा विधेयक सर्वसम्मतिले पारित भएको घोषण गर्नुभयो ।
सभाको पहिलो बैठकमा गणपुरक सङ्ख्या नपुगेपछि १५ मिनेट स्थगित भई सञ्चालन भएको दोस्रो बैठकले विधेयक पारित गरेको हो यसअघि विधेयकमाथिको छलफलमा सांसदहरुले भाग दिएका थिए । उनीहरु उठाएका प्रश्नको गृहमन्त्री बालकृष्ण खाणले कारागार नरहेका जिल्लाहरुमा पनि कारागारको व्यवस्था गरिने बताउनुभयो । शहरका मध्य भागमा रहेका पुराना कारागारहरुलाई स्थानान्तरण गरि फराकिलो र सुविधाजनक बनाईने उहाको भनाई छ ।
कारागारसम्बन्धी कानूनलाई संशोधन र एकीकरण गर्न बनेको उक्त विधेयक सरकारले विसं २०७६ मङ्सिर २९ मा दर्ता गराएको थियो ।
