काठमाडौं । प्रधानमन्त्री केपी शर्मा ओलीले क्वारेन्टाईन स्थलमा महिलाको सामूहिक बलात्कार मानव जातिका निम्ति कलंकको घटना भनेका छन् । यसमा संलग्न भएकाहरुलाई कुनै हालतमा क्षमा गर्न नसकिने उनले बताए ।
बिहीबार राष्ट्रियसभालाई सम्बोधन गर्दै प्रधानमन्त्री ओलीले कैलाली घटनाबारे बोलेका हुन् । सुरक्षाका लागि खटाएकाहरु नै कुकर्मी निस्किएको भन्दै उनले भने, ‘मान्छे मान्छे नभएपछि उनीहरुलाई पशु पनि भन्न मिल्दैन किनकी पशुले यति घटियाका काम गर्दैन, मानव जातिकै लागि कलंकको घटना भयो ।’
