अमेरिकी राष्ट्रपति डोनाल्ड ट्रम्पले अफगानिस्तानमा रहेका तालिवानी लडाकूहरुसँग वार्ता गर्न चाहेको बताएका छन् ।अफगानिस्तानको भ्रमणमा रहेका राष्ट्रपति ट्रम्पले तालिवानहरुले सम्झौता गर्न चाहेकाले अमेरिका उसँग वार्ता गर्न तयार रहेको बताएका हुन् ।
इराकमा रहेका आफ्ना सैनिहरुलाई सम्बोधन गर्दै ट्रम्पले आफूले तालिवानहरुसँग वार्ता गर्न चाहेको बताएको बीबीसीले जनाएको छ ।भ्रमणका क्रममा ट्रम्पले अफगानिस्तानका राष्ट्रपति असरफ घानीसँग पनि भेटवार्ता गरेको बताइएको छ ।
तालिवानीहरु शान्तिपूर्ण आन्दोलनमा आए अमेरिकाले अफगानिस्तानमा रहेका सैनिकको संख्यासमेत कटौती गर्नेबारे सोच्न सकिने ट्रम्पले बताए ।
सन् २००१ सेप्टेम्बर ११ मा अमेरिकामा भएको आक्रमणपछि अमेरिकाले अफगानिस्तानमा तालिवानविरुद्ध हस्तक्षेप गरेको १८ वर्षपछि पनि १३ हजार सैनिक तैनाथ रहेका छन् ।
