मोरङ । स्ववियु निर्वाचन अन्तर्गत मोरङमा माओवादीको भातृसंगठन अखिल क्रान्तिकारीले खाता खोलेको छ ।
मोरङको कानेपोखरी गाउँपालिकामा रहेको रमाइलो क्याम्पसको स्ववियु सभापतिमा अखिल क्रान्तिकारीले जितेको हो ।
क्रान्तिकारीका अनिश कार्कीले नेपाली कांग्रेसको भातृसंगठन नेविसंघका उम्मेदवार मदन कार्कीलाई १ मतले पराजित गरेका हुन् ।
अनिशले ५६ मत ल्याउँदा मदनले ५५ मत ल्याएका छन् । यस्तै, सचिवमा पनि अखिल क्रान्तिकारीका शिशिर कोइरालाले ६२ मत ल्याएर विजयी भए ।
सचिवका नेविसंघका उम्मेदवार जितेश खड्काले ४८ मत ल्याए । यसअघि उक्त क्याम्पसमा अनेरास्ववियुले प्यानलै जितेको थियो ।
यसअगाडि भएको चुनावमा क्रान्तिकारी र नेविसंघ एकै ठाउँमा भएर चुनाव लडेका थिए । त्यतिबेला भने एमालेको अनेरास्ववियुले प्यानल नै जितेको थियो ।
