काठमाडौं । नेकपा (एकीकृत समाजवादी)का सम्मानित नेता झलनाथ खनालले वर्तमान सरकार संकटका पोका बोकेर हिँडेको आरोप लगाउँदै त्यसको एउटा पोको भर्खरै जारी गरिएका अध्यादेश भएको टिप्पणी गर्नुभएको छ ।
मंगलवार नेपाल प्रेस संगठनले धनुषामा आयोजना गरेको पत्रकार सम्मेलनमा बोल्दै नेता खनालले यस्तो बताउनुभएको हो । उहाँले अध्योदश ल्याउनुपर्ने के जरुरी अवस्था आईप¥यो ? भनेर प्रश्न समेत गर्नुभयो ।
उहाँले संवैधानिक व्यवस्थाअनुसार कुनैपनि कानूनहरु सामान्य रुपमा बनाउन सकिने उल्लेख गर्दै उहाँले सामान्य रुपमा कानून बनाउने कुरामा कसैको पनि अवरोध नगरेको उल्लेख गर्नुभयो । उहाँले सरकारले अध्यादेश ल्याउनुको औचित्य पुष्टि गर्न नसकेको उहाँको भनाइ छ । उहाँले अध्यादेश ल्याउनुपर्ने प्रक्रिया नमिलेकै कारण आफ्नो पार्टी अध्यादेशको समर्थन गर्न नसक्ने बताउनु भयो ।
उहाँले वर्तमान सरकारकै कमजोरीको कारण युवा पलायन बढिरहेको बताउनु भयो । उहाँले वर्तमान सरकारले मान्छे बेच्नको लागि ठाउँ ठाउँमा मेनपावर कम्पनी खोलेर बसेको गम्भिर आरोप लगाउनु भयो ।
