बिर्तामोड। बालाजी टोल विकास संस्था तथा बालाजी मन्दिरको संयुक्त आयोजनामा सामुहिक गौपूजन कार्यक्रम सम्पन्न भएको छ।
बालाजी टोल विकास संस्थाका अध्यक्ष नरेन्द्रकुमार अधिकारीको अध्यक्षता तथा पण्डित शान्तीराम नेपालको प्रमुख आतिथ्यमा भएको कार्यक्रममा सल्लाहकार चन्द्र शर्मा दुलालले स्वागत मन्तव्य राखेका थिए।
कार्यक्रममा प्रमुख अतिथि पण्डित नेपाल र बिर्तामोड नगरपालिकाका निवर्तमान नगर प्रमुख धुर्बकुमार शिवाकोटीलगायतले गाईको महत्वको बारेमा धारणा राखेका थिए। कार्यक्रममा आचार्य होमनाथ खनालको नेतृत्वमा सामुहिक गौपूजन गरिएको थियो ।
बालाजी टोल नारी समूहकी रक्षा शर्मा दुलालको नेतृत्वमा सामुहिक देउसी खेलिएको थियो । कार्यक्रमको सञ्चालन बालाजी टोल विकास संस्थाका सल्लाहकार बिष्णुकुमार निरौलाले गरेको सचिव ज्ञानेन्द्र अधिकारीले जानकारी दिए।
