झापा – झापा बिर्तामोडका व्यवसायी गोविन्द अधिकारी बेपत्ता भएको ५ दिनपछि उनको शव फेला परेको छ ।
प्रहरीले उनको शव भद्रपुर-४ स्थित चिया बगानमा झुन्डिएको अवस्थामा फेला पारेको हो ।
बिर्तामोड-४ का अधिकारी भद्रपुर रोडमा तरकारी व्यवसाय गर्दै आएका थिए ।
जिल्ला प्रहरी कार्यालय झापाका अनुसार भदौ ३१ गते बेपत्ता भएका र असोज ५ गते प्रहरीले उनको शव फेला पारेको हो ।
मेची प्रादेशिक अस्पतालमा पोस्टमार्टम गरेपश्चात आफन्तलाई शव बुझाइएको जिल्ला प्रहरी कार्यालय झापाका प्रवक्ता प्रहरी नायव उपरीक्षक खगेन्द्र रिजालले जानकारी दिए ।
