काठमाडौँ । एसिया कप क्रिकेटको उपाधिका लागि आज भारत र श्रीलंका भिड्दै छन् । खेल श्रीलंकाको घरेलु मैदान कोलम्बोमा हुँदैछ ।
खेल दिउँसो ३ः१५ बजे आर प्रेमदासा क्रिकेट मैदानमा शुरु हुनेछ । यो खेल दुवै टिमका लागि निकै नै चुनौतीपूर्ण रहेको छ ।
भारतले पाँच वर्षको उपाधि खडेरी चिर्ने प्रयास गर्नेछ भने साविक विजेता श्रीलंका सामु उपाधि रक्षा गर्ने चुनौती छ ।
दुवै टिम आठौँ पटक एसिया कपको उपाधिका लागि फाइनलमा भिड्दै छन् । यसअघि भएका सात आपसी भिडन्तमा भारतले ४ तथा श्रीलंकाले ३ पटक उपाधि जितेको थियो ।
