बिराटनगर । उच्च गतिको इन्टरनेट सेवाको भरपर्दो र किफायती सेवा प्रदायकको रूपमा पहिले नै आफूलाई स्थापित गरिसकेको सिजी नेटले अब नयाँ ग्राहकहरूका लागि विराटनगरमा आफ्नो सेवा विस्तार गरेको छ।
सिजी नेटको शुभारम्भको अवसरमा विराटनगरमा कम्पनीद्वारा भव्य उद्घाटन समारोहको आयोजना गरियो।
कार्यक्रममा राष्ट्रिय क्रिकेट खेलाडी श्रीललित राजबंशी, दूरसञ्चार उद्योगका प्रतिष्ठित व्यक्तित्वहरुका साथै स्थानीय अधिकारीहरु र बासिन्दाहरु उपस्थित थिए ।
सिजी नेटका सेवाहरू प्रवर्द्धन गर्न र समुदायलाई सिजी नेट भरपर्दो र उच्च गुणस्तरको इन्टरनेट उपलब्ध गराउन प्रतिबद्ध रहेको देखाउन बाइक र्यालीकोआयोजना गरियो।
सिजी नेटले सिजी फुड्ससँगको साझेदारीमा अनाथालयमा चन्दा कार्यक्रम पनि आयोजना गरेको थियो ।
अनाथालयले सिजी नेटलाई आफ्नो उदार सहयोगको लागि आभार प्रकट गरेको छ ।
सिजी नेटले बिराटनगरका विभिन्न घरपरिवार र व्यवसायहरूको आवश्यकताअनुरूप बिभिन्न इन्टरनेट योजनाहरू सार्बजनिक गरेको छ। नयाँ सहरमा आफ्ना सेवाहरू सुरु भएको उत्सव मनाउन सिजी नेटले नयाँ ग्राहकहरूलाई धेरै रोमाञ्चक अफरहरू र छुटहरू उपलब्ध गराएको छ ।
सिजी नेटसंग आबद्ध हुने ग्राहकहरूले ४ लाख सम्मको बीमा कभरेज साथै क्यास ब्याक, स्मार्ट टिभी, स्मार्ट पहिरन सामाग्री र घरायसी सामानहरुमा भारी छुटका फाइदाहरू लिन सक्नेछन् ।
