झापा । झापा जिल्ला मार्सल आर्ट हाफकिडो संघको अध्यक्षमा फुर्वा लामा चयन हुनु भएको छ ।
आइतबार झापाको बिर्तामोडस्थित होटल द किंग्सबेरीमा सम्पन्न संघको प्रथम जिल्ला भेलाले करातेका पूर्वखेलाडी लामाको अध्यक्षतामा झापा जिल्ला संघ गठन गरेको हो ।
संघको उपाध्यक्षमा शौरभ प्रधान, सचिवका तिलक योञ्जन, सहसचिवमा विकास गौतम र कोषाध्यक्षमा सुनिता तामाङ सर्वसम्मत चयन भएका छन् ।
त्यस्तै, सदस्यहरुमा दावा शेर्पा, अर्विन पोद्दार, रमेश चौधरी, सुभला तामाङ, मेनुका मगर र विकास केसी चयन हुनु भएको छ ।
नेपाल मार्सल आर्ट हाप्किडो संघ तथा दक्षिण एसियाली संघका अध्यक्ष कालीबहादुर घर्ती मगरको उपस्थितिमा झापा जिल्ला गठनले पूर्णता पाएको हो ।
कार्यक्रममा कोसी प्रदेशसभा सदस्य गोपाल तामाङ, झापा जिल्ला खेलकुद विकास समितिका अध्यक्ष प्रशान्त भण्डारी लगायतले नवगठित समितिलाई बधाई तथा शुभकामना व्यक्त गर्नु भएको थियो ।
हाप्किडोका प्रमुख प्रशिक्षक प्रविण गुरुङले खेलको प्राविधिक पक्षबारे प्रस्ट पारेको कार्यक्रममा कराते प्रशिक्षक दुर्गाराज निरौलाले सञ्चालन गर्नु भएको थियो भने संघका सचिव योञ्जनले स्वागत गर्नु भएको थियो ।
