काठमाडौँ । नेकपा एमाले, नेकपा माओवादी केन्द्रलगायतका सात दलीय गठबन्धनको नयाँ सरकारलाई मन्त्रिपरिषद विस्तारमा सकस परेको छ ।
सरकारमा सहभागी सबै दलबाट मन्त्री बन्नेहरुको आकांक्षी अत्यधिक भएपछि मन्त्रिपरिषद विस्तारमा सकस परेको हो ।
धेरै सांसदहरु मन्त्रीको आकांक्षी भएपछि प्रधानमन्त्री पुष्पकमल दाहाल प्रचण्डले विश्वासको मत लिएपछि मात्र मन्त्रिमण्डल विस्तार गर्ने तयारी गरेको बताइएको छ ।
राष्ट्रपति विद्या भण्डारीले प्रतिनिधि सभाको बैठक २५ पुसमा आह्वान गर्नुभएको छ । प्रतिनिधि सभा बैठक सुरू भए लगत्तै विश्वासको मत लिने र त्यसपछि मन्त्रिपरिषद्लाई पूर्णता दिने तयारी गरिएको प्रधानमन्त्रीको सचिवालयले जनाएको छ ।
यस विषयमा प्रधानमन्त्री प्रचण्डले सत्ता साझेदार दल नेकपा एमालेका अध्यक्ष केपी ओलीसँग बुधबार छलफल गर्नुभएको छ । साथै प्रधानमन्त्रीले सत्तासाझेदार अन्य दलसँग समेत विश्वासको मत लिएपछि मात्रै सरकार विस्तार गर्ने विषयमा छलफल गरी सहमति गर्नुभएको छ ।
