काठमाडौं । यस वर्ष साउनयता डेंगी संक्रमणबाट मृत्यु हुनेको संख्या ६२ पुगेको छ ।
इपिडिमियोलोजी तथा रोग नियन्त्रण महाशाखाको पछिल्लो तथ्यांकअनसार संक्रमितको संख्या ५३ हजार ९५१ र मृतकको संख्या ६२ पुगेको हो ।
जसमध्ये सबैभन्दा धेरै सेप्टेम्बरमा २७ हजार ५२९ जना संक्रमित थपिएका थिए ।
त्यसयता निरन्तर घट्दो क्रममा रहेको डेंगी नेभेम्बरमा ३ हजार ९४० जनामा पुष्टि भएको महाशाखाको तथ्यांक छ ।
प्रदेशअनुसार सबैभन्दा धेरै वाग्मतीमा ४१ हजार ९४७ जना र सबैभन्दा कम कर्णालीमा ६७७ जनामा डेंगी पहिचान भएको थियो ।
