बिर्तामोड। द भ्वाइस अफ नेपालको सिजन ६ को टप १२ मा पुगेका रोङ इलामका प्रमेश राईलाई भोट दिएर जिताइदिन प्रमेश राई जिताउ अभियानले आग्रह गरेको छ।
द भ्वाइस अफ नेपालको सिजन ६ को टप १२ मा पुगी भोटिङ राउन्डमा प्रवेश गरेका रोङका राईलाई वढीभन्दा बढी भोट गरेर जिताइदिन रोङ गाउँपालिकाका अध्यक्ष मणीकुमार स्याङ्वो सुवासले बताए।
प्रमेश राई रोङकै प्रतिभा भएको बताउँदै उनले अब अगाडी बढ्न भोटको आवश्यक परेकाले देश तथा बिदेशमा रहेका सम्पूर्ण नेपालीलाई भोट दिन आग्रह गरे।
रोङ गाउँपालिकाकी उपाध्यक्ष बिष्णुमाया भुजेलले रोङ गाउंपालिका मात्र नभएर ईलाम जिल्लाले बहुप्रतिभाशाली प्रतिभा पाएको बताउँदै रोङ निवासी प्रतिभाशाली गायक राईलाई भोट दिएर जिताइदिन आग्रह गरिन् ।
सरगम संगीतालय बिर्तामोडका प्रबन्धक दीपक रायमाझीले गायक राई सरगम संगीतालयका प्रतिभाशाली विद्यार्थी भएको बताउँदै उनलाई जिताइदिन भोट दिन आग्रह गरे।
उनले खल्ती एप डाउनलोड गरी टीम राजुकोमा गएर गायक राईलाई भोट गर्न सकिने र क्यू आर मार्फत पनि भोट गर्न सकिने बताए।
कार्यक्रममा वरिष्ठ गीतकार शिवशंकर थापा, संगीतकार कृष्ण योञ्जनलगायतले पनि गायक राईलाई भोट दिएर द भ्वाइस अफ नेपालको सिजन ६ को विजेता बनाउन आग्रह गरे।
कार्यक्रममा गायक राईले सबैको सहयोगले आफू यो स्थानमा पुग्न सकेको बताउँदै अब अगाडी बढ्न भोटको आवश्यक परेकाले बढीभन्दा बढी भोट गरिदिन आग्रह गरे। आफूले सरगम संगीतालय बिर्तामोडमा गीत संगीत सिकेर अगाडी बढेको उनको भनाई छ।
कार्यक्रममा उनले द भ्वाइस अफ नेपालको सिजन ६ को ब्याटल राउन्डमा गाएको गीत गाएर उपस्थित सबैलाई मन्त्रमुग्ध पारेका थिए।
