बिर्तामोड । झापाको काँकरभिट्टाबाट धरानतर्फ जाँदै गरेको यात्रुबाहक बस धरमपुरमा दुर्घटना हुँदा ११ जना यात्रु घाइते भएका छन् ।
आज बिहान ६ः२० बजे शिवसताक्षी–१ धरमपुरस्थित पूर्वपश्चिम राजमार्गमा मे. १ ख २५४५ नम्बरको नागरिक यातायातको बस अनियन्त्रित भई दुर्घटना भएको हो ।
बस सडकबाट तल खस्दा बसमा रहेका ११ जना यात्रुहरु घाइते भएका छन् । घाइतेहरुलाई उपचारको लागि बिएन्डसी अस्पताल बिर्तामोड ल्याइएको छ ।
बस घटनास्थलमा रहेको, सडक अवरुद्ध नभएको र बस चालक मेचीनगर–१० धुलाबारी बस्ने वर्ष ५४ का टिका मेचेलाई इलाका प्रहरी कार्यालय झिलझिलेले नियन्त्रणमा लिइएको प्रहरीले जनाएको छ ।
