झापा । झापाको बुद्धशान्तिमा टिपरको ठक्करबाट एक मोटरसाइकल चालकको मृत्यु भएको छ ।
शनिवार साँझ ६ः४५ बजेको समयमा बुद्धशान्ति गाउँपालिका ३ सात नम्बर चोकस्थित मेची राजमार्गमा चारआलीबाट बुधबारेतर्फ जाँदै गरेको मे ११ प ३१४९ न.को मोटरसाइकल र बिपरित दिशाबाट आउँदै गरेको को १ ख ६४२८ न.को टिपर एक आपसमा ठक्कर खाई दुर्घटना हुँदा मोटरसाइकल चालक सोही ठाउँ बस्ने अन्दाजी २३ वर्षीय रामकृष्ण पौडेलको मृत्यु भएको हो ।
दाहिने हात र छातीमा चोट लागेर घाईते भई उपचारको लागि बीएण्डसी अस्पताल बिर्तामोड ल्याइएकोमा साँझ सवा ७ बजे उपचारको क्रममा उनको मृत्यु भएको जिल्ला प्रहरी कार्यालयका निमित्त प्रवक्ता प्रहरी निरीक्षक ढुण्डिराज गिरीले बताए ।
सोहि मोटरसाइकलको पछाडी सवार सोही ठाउँ बस्ने वर्ष अन्दाजी २१ वर्षीया लिला गौतम घाइते भएकी छन् । शरीरको बिभिन्न भागमा चोट लागेर बीएण्डसी अस्पतालमा उपचाररत उनको अबस्था सामान्य रहेको जनाइएको छ ।
दुर्घटनापछि टिपर चालक फरार रहेकोले खोजी भइरहेको र टिपर ईलाका प्रहरी कार्यालय बुधबारेको नियन्त्रणमा रहेको प्रहरी निरीक्षक गिरीले जानकारी दिए ।
