झापा । सोमबार दिउँसो झापाको भद्रपुरबाट एकाएक गायब भएकी बालिका मृत अवस्थामा फेला परेकी छिन् ।
भद्रपुर नगरपालिका- ९ प्रकाशपुर निवासी सोमनाथ सिग्देलकी ३ वर्षीया छोरी निर्जलाको शव नालामा डुबेको अवस्थामा भेटिएको प्रहरीले जनाएको छ ।
उनको शव घरदेखि ५०० मिटर दक्षिणतर्फको पक्की नालामा डुबेको अवस्थामा फेला परेको जिल्ला प्रहरी कार्यालय झापाले जनाएको छ ।
केदारेश्वर मन्दिरछेउ निवासी सिग्देलकी छोरीलाई एक भारतीय व्यक्तिले अपहरण गरेर लगेको हुने सक्ने स्थानीयबासीले आशंका गरेका थिए ।
जिल्ला प्रहरी कार्यालय झापाले सो सूचना पाएलगत्तै मातहतका कार्यालयहरुमा जानकारी पठाइ भारतीय व्यक्ति र बालिकाको खोजी गर्न शुरु गरिएको थियो ।
