कञ्चनपुर । कञ्चनपुरको पुनर्वास नगरपालिका ३ आईबिआरडीकी एक महिला मृत फेला परेकी छिन । मंगलबार बिहान पुनर्वास नगरपालिका ३ आईबिआरडीकी २८ वर्षीया महिला लक्ष्मी घर्ती मृत फेला परेकी हुन् ।
घर्ती सोमबार बेलुका ८ बजेतिर मामा घर जान्छु भन्दैघरदेखि हिडेकी थिइन् । घरबाट हिँडेको भोलिपल्टै आइबिआरडी बजारनजिकै मृत फेला परेकी छिन् । उनको हत्या भएको आशंका गरिएको छ । पाँच वर्षीया छोरासहित उनी केही वर्षदेखि माइती घरमै बस्दै आएको र पारिवारिक बेमेल रहेको स्थानीयले बताएका छन् ।
इलाका प्रहरी कार्यालय त्रिभुवनबस्तीका इन्चार्ज प्रहरी निरीक्षक नरेशराज मल्लको टोलीले घटनाको अनुसन्धान गरिरहेको छ। घटना स्थलको मुचुल्का संकलन गरेर शव पोष्टमार्टमका लागि सेती प्रादेशिक अस्पताल पठाएको छ ।
परिवारसँग विवादमा रहेकी लक्ष्मीको हत्या भएको भन्दै माइती पक्ष एवं आफन्तले अनुसन्धान गरेर दोषिमाथि कारबाहीको माग अघि सारेका छन् । दुई साताअघि मात्रै दोधाराचाँदनीका एक पुरुषले श्रीमतीको हत्या गरिदिएका थिए । पछिल्ला दिनहरुमा कञ्चनपुरमा आफ्नैबाट हत्या जस्ता अपराधिक घटना घटिरहेका छन् ।
