काठमाडौं । सरकारले संघीय शिक्षा ऐन सदनमा पेश गर्ने निणर्य गरेको छ ।
सिंहदरबारमा मंगलबार बसेको मन्त्रिपरिषद् बैठकले उक्त ऐनलाई संसदमा पेश गर्न स्वीकृत दिएको सरकारका प्रवक्ता रेखा शर्माले जानकारी दिनुभयो ।
बैठकमा लम्पीस्किन रोगबाट पशु चौपाया गुमाउने किसानलाई राहत दिने विषमया पनि छलफल भएको र अर्को बैठकले निणर्य गर्ने उहाँले बताउनुभयो ।
बैठकले विश्व वातावरण सुविधावापत प्राप्त हुने २० करोड २२ लाख अनुदान स्वीकृत गरेको प्रवक्ता शर्माले जानकारी दिनुभयो ।
त्यस्तै बैठकले विज्ञापन नियमन गर्ने नियमावली २०८० स्वीकृत गरेको उहाँले बताउनुभयो ।