झापा । नेकपा एमाले केन्द्रीय सल्लाहकार एवं पूर्व पोलिटव्युरो सदस्य नरेश खरेलले पार्टी परित्याग गरेका छन् ।
सोमबार झापाको बिर्तामोडमा पत्रकार सम्मेलनको आयोजना गरेर खरेलले नेकपा एमाले परित्याग गरेको घोषणा गरेका हुन् ।
२०२८ को झापा बिद्रोहका योद्धा खरेल एमाले अध्यक्ष केपी शर्मा ओलीका सहयात्री हुन् ।
तर, पछिल्लो समय एमालेको नेतृत्वप्रति उनको तीब्र असन्तुष्टि थियो । यसअघि प्रदेश कमिटीका सहइञ्चाज पनि रहेका थिए ।
उनले एमालेले नेपालमा समृद्धि ल्याउन नसक्ने दाबी गरे ।
पार्टीमा स्वेच्छाचारी प्रवृत्तिको सुधारका लागि आफूलगायत अन्य कार्यकर्ताबाट अनेकौं प्रयास गरिए पनि आफूहरूलाई पार्टी नेतृत्वले तिरस्कार गरेको खरेलको दाबी थियो ।
