ल्याटिन अमेरिकी देश कोलम्बियामा वायुसेनाको C-130 Hercules विमान दुर्घटना हुँदा कम्तीमा ६६ जनाको मृत्यु भएको छ भने ५० जनाभन्दा बढी घाइते भएका छन्। चार जना अझै बेपत्ता रहेको जनाइएको छ।
दुर्घटनाग्रस्त विमान टेकअफका क्रममा रनवेबाट करिब १.५ किलोमिटर टाढा गएर खसेको थियो। दुर्घटनामा ५८ सैनिक, ६ वायुसेनाकर्मी र २ प्रहरी अधिकारीको ज्यान गएको पुष्टि भएको छ।
Reuters का अनुसार कोलम्बियाली वायुसेनाका प्रमुख कार्लोस फर्नान्डो सिल्भा ले विमानमा ११४ सैनिक र ११ जना चालक दलका सदस्य सवार रहेको जानकारी दिएका छन्।
यो दुर्घटना पेरु सिमानजिक दक्षिणी अमेजन क्षेत्रको प्युर्टो लेगुइजामो मा भएको हो। रक्षामन्त्री पेड्रो सान्चेज ले विमान रनवेबाट केही दूरीमा खसेको बताएका छन्।
घटनाप्रति गुस्ताभो पेट्रो ले गहिरो दुःख व्यक्त गरेका छन्। उनले यसलाई गम्भीर दुर्घटना भन्दै सेनाको क्षमता अभिवृद्धि र सुरक्षाका लागि नयाँ हेलिकोप्टर, ट्रान्सपोर्ट विमान तथा एन्टी–ड्रोन प्रणाली खरिदमा जोड दिएका छन्।
उक्त विमान सन् २०२० मा संयुक्त राज्य अमेरिका ले कोलम्बियालाई दिएको थियो। हालै मर्मत गरिएको विमान भएकाले प्राविधिक खराबीभन्दा अन्य कारणको अनुसन्धान भइरहेको जनाइएको छ।
