झापा । पूर्वराजा ज्ञानेन्द्र शाहले व्यवसायी दुर्गा प्रसाईंद्वारा सञ्चालित ‘नागरिक बचाउ महाअभियान’को दीप प्रज्ज्वलन गरि उद्घाटन गर्नुभएको छ ।
बीएन्डसी हस्पिटलका सञ्चालक एवम् व्यवसायी दुर्गा प्रसाईंले सोमबार आयोजना गर्नुभएको कार्यक्रममा पूर्वराजा शाह परिवारसहित उपस्थिति हुनुभएको हो
पूर्वराजा शाहले शान्तिका प्रतिक सेता परेवाको जोडीसमेत उडाउनु भयो ।
उद्घाटनमा केहीबेर बसेर पूर्व राजा शाहसहित उहाँको परिवार कार्यक्रमस्थलबाट बाहिरिएको थियो ।
पूर्वराजा शाहले कार्यक्रममा उपस्थित सर्वसाधारणलाई हात हल्लाएर अभिवादन फर्काए पनि सम्बोधन भने गर्नुभएन ।
पूर्वराजा शाह कार्यक्रमस्थलबाट हिँड्ने बित्तिकै महाअभियानका संयोजक दुर्गा प्रसाईले उद्घाटन समारोहलाई सम्बोधन गर्नुभयो ।
सम्बोधनका क्रममा प्रसाईं बैंक तथा वित्तीय संस्थामाथि खनिनु भयो ।
उहाँले भन्नुभयो, ‘बैंक तथा वित्तीय संस्थाका कोही आए भने कोलो मोसो दलेर पठाइदिनु।’
