बिराटनगर । मोरङको विराटनगरमा बम जस्तो शंकास्पद वस्तु भेटिएकाे छ।
जिल्ला प्रहरी कार्यालय मोरङका अनुसार शनिबार बिहान उक्त वस्तु भेटिएको हो ।
उक्त शंकास्पद वस्तु भेटिएपछि स्थानीयबासीले प्रहरीलाई खबर गरेका थिए ।
प्रहरीले शंकास्पद वस्तु भेटिएको स्थान वरिपरि आवतजावतमा रोक लगाएको छ।
हाल शंकास्पद देखिएको वस्तुका बिस्तृत जानकारी लिने र निष्क्रिय बनाउनका लागि नेपाली सेनाको टोली घटनास्थलतर्फ पुग्दै गरेको प्रहरीले जनाएको छ।
