काठमाडौँ । ब्रिटिस–गोर्खा भूतपूर्व सैनिक संगठन (बिगेसो) सिंगापुर गोर्खाज् विभागले समान अधिकारको माग गर्दै काठमाडौंमा विरोध प्रदर्शन गरेका छन् ।
ब्रिटिस गोर्खा सैनिकअन्तर्गत भर्ती भएका सिंगापुर पुलिस फोर्सलाई समान अधिकार दिनुपर्नेलगायत माग राख्दै उनीहरुले प्रदर्शन गरेका हुन् । बेलायतले भर्ती गरेर सिंगापुर लगिएपनि सिंगापुरका सैनिकसरह हामी गोर्खाहरूको तलब, सेवा सुविधा नभएकाले चरणबद्ध आन्दोलनमा रहेको उनीहरुले बताका छन् ।
यसअघि उनीहरुले रत्नपार्कदेखि लैनचौरस्थित बेलायती दूतावासम्म जुलुस प्रदर्शन गर्दै आफ्ना मागबारे ध्यानाकर्षण पत्र बुझाएको थियो ।
