काठमाडौं । साफ यू-२० च्याम्पियनसिप फुटबलमा नेपालले लगातार दोस्रो जीत निकालेको छ ।
भारतको भुवनेश्वरस्थित कालिंगा स्टेडियममा नेपालले बुधबार श्रीलंकालाई ३-० गोल अन्तरले हराएको हो । पहिले खेलमा नेपालले माल्दिभ्सलाई ४-० ले हराएको थियो ।
नेपालको जीतमा दिलाउन कप्तान आयुष घलान, कृतिस रत्न छुन्जु र मनग्य नकर्मीले गोल गरे ।
नेपालले सबै गोल दोस्रो हाफमा गरेको थियो । ५८ औं मिनेटमा कप्तान आयुषको गोलबाट नेपालले अग्रता बनाएको थियो ।
