मेचीनगर । नेकपा एमालेबाट मेचीनगर मेयरका उम्मेदवार गोपालचन्द्र बुढाथोकीले काँकरभिट्टामा बहुतले बहुउद्देश्य बसपार्क बनाउने योजना रहेको बताउनु भएको छ ।
आइतबार मेचीनगर-६ स्थित काँकरभिट्टामा एमालेको चुनावी घरदैलो कार्यक्रमलाई सम्बोधन गर्दै मेयर पदका प्रत्यासी उम्मेद्रवार बुढोथोकीले यस्तो कुरा बताउनु भएको हो।
उहाँले साँघुरो बसपार्कका कारण साना-ठुला सवारी साधन तथा व्यापारिक भवनहरु नभएकाले पनि बहुतले बहुउद्देश्य बसपार्क बनाउन प्रयत्न गरिने बताउनु भयो ।
‘काँकरभिट्टा बजार अन्तराष्ट्रिय नाका भएकोले विगतमा यस विषयमा छलफलहरु भएका छन्’, बुढाथोकीले भन्नुभयो-‘५, ७ वा १० तला सम्मको आधुनिक बहुउद्देश्य बसपार्क बनाउन सके मेचीनगरलाई समृद्व नगर बनाउन सकिनेछ ।’
उहाँले मेचीनगर नगरपालिकाका प्रथम मेयर रविन कोइरालाको पालामा यस विषयमा कुरा उठेको बताउनु भयो । सो योजनालाई सम्भव भएसम्म कोशिस गरिने उहाँको भनाइ थियो।
कार्यक्रममा एमालेका केन्द्रीय सदस्य एवम झापा सहइन्चार्ज रविन कोइरालाले मेचीनगरलाई नमूना नगरपालिका बनाउन पनि एमालेका उम्मेद्रवारहरुलाई जिताउन आवश्यक रहेको दावी गर्नुभयो ।
