झापा । बिर्तामोडमा बसको ठक्करबाट आज एक जनाको मृत्यु भएको छ ।
पूर्वबाट पश्चिम तर्फ जाँदै गरेको ना ६ ख १५२० नम्बरको बसले विर्तामोडको पश्चिम बस स्टेण्डमा ठक्कर दिँदा विर्तामोड नगरपालिका ६ का अन्दाजी ३२ वर्षिय सागर मिश्रको मृत्यु भएको हो ।
मिश्रले बाटो काट्नेक्रममा बसले ठक्कर दिएको थियो । उनको घटना स्थलमै मृत्यु भएको जिल्ला ट्राफिक प्रहरी कार्यालय झापाले जनाएको छ ।
ठक्कर दिने बस र चालकलाई प्रहरीले नियन्त्रणमा लिएर इलाका प्रहरी कार्यालय अनारमनीमा राखीएको छ ।
