बिर्तामोड। ६८ औं राष्ट्रिय सहकारी दिवसको अवसरमा झापा जिल्ला सहकारी संघको आयोजनामा सहकारीमा नवप्रवर्तनको प्रवद्र्धन बिषयक उत्प्रेरणात्मक कार्यशाला सम्पन्न भएको छ।
झापा जिल्ला सहकारी संघका अध्यक्ष गणेश ढकालको अध्यक्षता तथा खानेपानी सिञ्चाई तथा उर्जा मन्त्री एकराज कार्कीको प्रमुख आतिथ्यमा सम्पन्न कार्यक्रममा झापा जिल्ला सहकारी संघका उपाध्यक्ष प्रेमकुमार कोइरालाले स्वागत मन्तव्य व्यक्त गरेका थिए।
कार्यक्रममा नेफ्स्कुनका महासचिव घनश्याम अधिकारीले अभियानको पुनर्जागरण र सहकारीको आगामी मार्ग चित्र विषयक कार्यपत्र प्रस्तुत गरेका थिए।
कार्यक्रममा झापा जिल्ला सहकारी संघका सल्लाहकार संयोजक रामचन्द्र उप्रेतीले ६८ औं राष्ट्रिय सहकारी दिवसको नारा मर्यादित सहकारी: समुन्नत समाजलाई सार्थक बनाउन सबै जुट्नुपर्ने बताए।
कार्यक्रममा सहभागीलाई अन्तर्राष्ट्रिय उत्प्रेरणात्मक कोच नारायण प्रधानले सहकारीमा नवप्रवर्तनको प्रवद्र्धनको बिषयमा उत्प्रेरणात्मक प्रशिक्षण प्रदान गरेका थिए। कार्यक्रमको सञ्चालन संस्थाका सचिव भवानी दङ्गालले गरेका थिए।
