झापा । झापाको मेचीनगर १५ ज्यामिरगढीस्थित भगवती प्लाइ उद्योगमा भीषण आगलागी भएको छ ।
सोमबार बिहान सवा ५ बजे आगलागी शुरु भएको हो । ६ वटा दमकल, नेपाली सेना, सशस्त्र प्रहरी, नेपाल प्रहरी, स्थानीयबासी आगलागी नियन्त्रणका लागि खटिएका छन् ।
उद्योगको पश्चिमपट्टिको भाग जलिरहेको र अन्य भाग जोगाउने प्रयास भइरहेको जिल्ला प्रहरी कार्यालय झापाले जनाएको छ ।
आगलागीको कारण थाहा हुन सकेको छैन । झापामा प्लाइ उद्योगमा आगलागीका घटना धेरै हुने गरेको छ ।
