बिराटनगर । कोशीबाट राष्ट्रियसभा सदस्यमा नेपाली कांग्रेसका नेता कृष्णप्रसाद सिटौला निर्वाचित हुनुभएको छ ।
प्रदेशसभाको मत गन्दा राप्रपाका उम्मेदवार उद्धब पौडेलभन्दा दुई मतले पछाडि पर्नुभएका सिटौला स्थानीय तहको मत गणना सम्पन्न भएपछि विजयी हुनुभएको हो ।
प्रदेशसभाका ९३ सदस्यमध्ये सिटौलाले ४५ मत पाउनुभयो भने राप्रपा उम्मेदवार पौडेलले ४७ मत पाउनुभयो ।
स्थानीय तहतर्फ सिटौलाले १५३ मत प्राप्त गर्नुभयो भने राप्रपा उम्मेदवार पौडेलले १०९ मत प्राप्त गर्नुभयो ।
स्थानीय तहतर्फ ४ मत बदर भएको छ ।
