काठमाडौं । नक्कली भुटानी शरणार्थी प्रकरणमा जिल्ला सरकारी वकिल कार्यालयले काठमाडौं अदालतमा अभियोजनपत्र दायर गरेको छ ।
बुधबार प्रहरीले अनुसन्धान गरेर बुझाएको प्रतिवेदनका आधारमा २२४ पेज लामो अभियोग पत्र दायर गरेको सरकारी वकिल कार्यालयका सहायक जिल्ला न्यायाधिवक्ता दिनेश भट्टराईले जानकारी दिनुभयो ।
उहाँले यस प्रकरणमा प्रकाउ परेका माथि ठगी, संगठित अपराध, लिखत कसुर, राज्यविरुद्धको कसुर र एकीकृत कसुरमा अभियोजन दायर गरिएको बताउनुभयो । उनीहरुमाथि २८ करोड ७४ लाख ७४ हजार पाँच सय रुपैया बिगो कायम गरिएको भट्टराईले जानकारी दिनुभयो ।
शरणार्थी प्रकरणमा टोपबहादुर रायमाझी, बालकृष्ण खाँण, सरकारका सचिब टेकनारायण पाण्डेलगायत १६ जना पक्राउ परेका छन् भने अन्य केही फरार छन् ।
