मोरङ । विराटनगरको शनिमन्दिर चोकका व्यवसायी मोहनप्रसाद न्यौपानेले आत्महत्या गरेका छन् ।
आर्थिक संकटको मारमा आफ्नो केही नलागेको भन्दै उनले आत्महत्या गरेको हुनसक्ने पारीवारिक स्रोतले जनाएको छ ।
इलेक्ट्रिक व्यवसायी न्यौपाने विराटनगर महानगरपालिका– ३ स्थित आफ्नै घरमा मृत भेटिएका हुन् ।
५७ वर्षीय न्यौपानेलाई आफन्तले बाथरुममा झुण्डिएको अवस्थामा मृत फेला पारेका हुन् ।
मृत भेटिएका न्यौपानेको सुसाइट नोट पनि फेला परेको छ । तीन पन्ने सुसाइट नोटमा उनले सांग्रिला बैंकको एक करोड ४५ लाख रुपैयाँ ऋण लिएको उल्लेख गरेका छन् । जसको मासिक पाँच लाख किस्ता तिर्नुपर्नेछ ।
बुबा–आमा, श्रीमती र आफन्तलाई सम्बोधन गरेर लेखिएको सुसाइट नोटमा आफू बाच्न लायक नभएको उल्लेख गरेका छन् । सुसाइट नोटमा उनले आफूले राखेको पैसा र ऋणको विवरण उल्लेख गरेका छन् ।