काठमाडौं । मंसिर ४ गते हुने प्रतिनिधि सभा चुनावमा समानुपातिकतर्फ भाग लिनका लागि ७६ दलले निर्वाचन आयोगमा दल दर्ताकाे निवेदन दिएका छन् ।
समानुपातिकतर्फकाे दल दर्ताका लागि दिइएकाे समयावधिमा प्रतिनिधि सभातर्फ ६८ निवेदनमार्फत ७६ दलले दल दर्ताका लागि निवेदन दिएका निर्वाचन आयाेगले जनाएकाे छ ।
आयोगले दल दर्ताका लागि भदौ १० देखि १२ गतेसम्मकाे समय दिएको दिएकाे थियाे ।
प्रदेश सभातर्फ भने प्रदेश-१ मा ५५ निवेदनमार्फत ६३ दल, मधेश प्रदेशमा ५९ निवेदनमार्फत ६७ दल, वाग्मती प्रदेशमा ५८ निवेदनमार्फत ६६ दल र गण्डकी प्रदेशमा ५२ निवेदनमार्फत ६० दलले दल दर्ताकाे निवेदन दिएका छन् ।
लुम्बिनी प्रदेशमा ५४ निवदेनमार्फत ६२ दल, कर्णाली प्रदेशमा ४९ निवेदनमार्फत ५७ दल र सुदूरपश्चिम प्रदेशमा ५० निवेदनमार्फत् ५८ दलले निवेदन दिएका आयाेगले जनाएकाे छ ।
