झापा । कोरोना भाइरस कोभिड–१९ को संक्रमण समुदाय स्तरमा फैलिदै गएसँगै झापाको बिर्तामोड नगरपालिका पनि आज राति १२ बजेबाट पुनः लकडाउन गरिने नगरपालिका स्रोतले जनाएको छ ।
स्रोतका अनुसार आवश्यक निर्णयको लागि अहिले नगरपालिकाको सवाहलमा बैठक जारी रहेको छ । पछिल्लो पटक झापाको बाह्रदर्शी गाउँपालिकामा फेला परेका कारोना भाइरस संक्रमितको ट्राभल हिस्ट्रीमा बिर्तामोड नगरभित्र खुलेआम घुमेको देखिएपछि नगरपालिकामा पुन लकडाउन गर्न लागिएको स्रोतको भनाई छ ।
नगरपालिकाले बाहिरबाट आउने व्यक्तीहरुको पिसिआर टेस्ट दर बढाउने, सर्वसाधाराणमा जनचेतनामुलक कार्यक्रम मार्फत सजग गराउने र सार्वजानीक रुपमा भिडभाड हुने स्थानहरु होटल, जिमखाना, सिनेमा हल लगायतका क्षेत्रलाई अर्को निर्णय नभए सम्मका लागी बन्द गर्ने निर्णय यसअघि नै गरिसकेको थिायो ।
आज रातिदेखि पुन लकडाउन गर्नेबारे थप निर्णय हुन भने बाँकि छ ।
