झापा । झापाको कनकाई नगरपालिका–३, सुरुङ्गा क्षेत्रमा एक अज्ञात पुरुष मृत अवस्थामा फेला परेका छन्।
अत्यधिक गर्मीका कारण बेहोस भई उनको मृत्यु भएको हुन सक्ने प्रहरीको प्रारम्भिक अनुमान छ। घाँसपात र झाडीले ढाकिएको क्षेत्रको छेउमा ती व्यक्ति लम्पसार अवस्थामा फेला परेका हुन्।
मृतकको पहिचान हालसम्म खुल्न सकेको छैन। प्रहरी उनको परिचय र परिवारको खोजीमा लागेको जनाएको छ। यदि कसैले तस्बिरमा देखिएका व्यक्तिलाई चिनेका छन् वा उनीबारे केही जानकारी छ भने नजिकको प्रहरी कार्यालयमा सम्पर्क गर्न अनुरोध गरिएको छ।
